為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 06 日

何浩文匿埋傳愛之短訊

喺兩年前,何浩文(Dominic)公開同空姐Candy拍拖,仲不時網上放閃;不過,佢哋敵唔過聚少離多,月前已經分咗手。有傳聞就話,佢力追同公司嘅小師妹方敏婷(Natalie),新歡又係同佢嘅舊愛糖妹(黃山怡)撞晒樣,一樣係大眼可愛型,睇嚟佢對呢type女仔,情有獨鍾!

早前,東姑喺電視城發現一支公獨來獨往嘅Dominic,見佢趁住做嘢中間嘅空檔,匿埋自己一個人煲煙。期間,佢仲手機不離手,對眼亦一味望住個電話「芒」,應該係同人互傳緊短訊。而東姑就一眼瞄到,佢含情脈脈對住電話傳語音短訊,睇嚟對方九成係女仔,斷估佢同新歡Natalie正喺度短訊傳情。

之後,佢一個人去咗公司canteen,買咗件西多士醫肚;之但係,食完都未覺飽,轉頭見佢再買多兩個麵包,一路行一路咬,然後,就上咗外景車出發去咗一個私人屋苑拍外景。東姑見佢臨拍嘢前,又再神神秘秘,匿埋一二角發短訊。佢同小師妹Natalie正係啱啱開始嘅熱戀期,難免會廢寢忘餐、牽腸掛肚,認真黐纏喇!

 

 

 

 

Dominic揀嘅女朋友,由糖妹到空姐Candy,再到小師妹Natalie,都屬同一類型,童顏兼眼大可愛嘅,睇嚟佢對呢類型女仔係情有獨鍾。

 

煲煙期間,Dominic狂發電話短訊,埋頭埋腦凈係掛住,睇電話個「芒」同埋打字。

 

見佢媾死女咁嘅樣,細細聲柔情發出語音短訊,相信冧倒唔少妹妹仔。

 

俗語話有情飲水飽,掛住電話傳情嘅Dominic,就搞到唔夠時間食唔飽,邊行邊咬包。

 

去到一個私人屋苑拍外景嘅Dominic,臨上樓前又再匿埋一二邊,狂發短訊。