為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 06 月 03 日

湯盈盈見囝忘晒形

湯盈盈同錢嘉樂結婚五年,先後誕下現年四歲嘅大女凱晴(Alyssa),以及兩歲嘅細女凱琪(Kassidy)。早前仲有傳盈盈懷有第三胎,可惜後來夫妻否認,令戥佢哋開心嘅朋友,空歡喜一場。其實,盈盈都講過,不設防想生多個,有兩個女,第三個梗係想追個仔啦!

早前,東姑就喺銅鑼灣巧遇盈盈。當時,佢撇甩屋企人一個人獨自去逛街;唔知係咪心繫家中嘅兩個寶貝女,見佢邊行邊冧滋滋傾電話,斷估佢正同囡囡傾住偈。一路上,佢都急急腳,趕到一個商場,原來係約咗一對外籍夫婦朋友見面,而呢對朋友,仲拖住個外籍小男孩,個樣精靈活潑又可愛。

現場所見,盈盈一見到個外籍小男孩,即刻忘晒形咁彎腰猛撩對方玩,o氹到小朋友成個彈起,似冧爆Auntie Tong。睇嚟,盈盈真係恨囝恨到流晒口水,認真要快啲同老公錢嘉樂,開行turbo造人追仔喇!

一個人逛街嘅盈盈,邊行邊講住電話,疑似掛心兩個囡囡,母女煲緊電話粥。

 

盈盈被外籍友人嘅小朋友完全融化,一見面就第一時間撩對方玩。

 

睇嚟小朋友都好冧盈盈Auntie,興奮到成個跳起身。

 

目測盈盈嘅身形,又唔似佗住BB;不過,佢恨仔流晒口水,怕且真係要努力吓喇!

 

結婚五年嘅湯盈盈同錢嘉樂,先後誕下現年四歲嘅大女凱晴及兩歲嘅細女凱琪。