朱千雪外柔內剛

二十九歲嘅朱千雪（千雪BB），係幾非一般嘅港姐，選美出身嘅女仔，一般貪名、求利、博上位，但佢三年前正值事業上位期，偏偏走咗去中大進修，讀完碩士、再讀法律博士，呢份上進精神，真係好難得！

日前，東姑喺一間酒店，遇見佢啱啱出席完一個活動。原本着到靚靚晚裝嘅佢，已經換晒便服準備離開，同行仲有幾個工作人員護送佢出門口。

不過，千雪BB作為一個超獨立嘅女性，絕對唔似一般「港女」咁「扭扭擰擰」等人照顧。東姑見佢親自打電話call車，只畀助手同事送到佢上車為止；然後，就自己秤住幾大袋嘢，一個人上咗的士返回香閨。現場所見，佢全程身手敏捷，做嘢爽快又利落，乜都自己搞得掂晒，完全表現佢外柔內剛嘅一面！

有成班工作人員兼助手護送離開嘅千雪BB，不假手於人，寧願自己親自call的士。

唔似一般「港女」有「公主病」嘅千雪BB，唔使助手同事相陪，自己一個上的士。

雖然千雪BB左右手都各有一大袋嘢，但係自己搞得掂，就唔想吓吓要人幫。