為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 26 日

婚嫁場地極盡華麗 「龍虎豹蛇」齊祝賀阿嬌出嫁

鍾欣潼(阿嬌)與台灣未婚夫、有「醫界男神」之稱的賴弘國(Michael)於今日凌晨(美國時間5月25日)在洛杉磯逾百年歷史的超豪華酒店Millennium Biltmore Hotel Los Angeles舉行結婚派對,現場地方極大,由鮮花配襯,門口有兩棵白花大樹,場內則「紫花陣」襯托,尤如在宮殿內一樣。中午十二時半,Party正式開始,女主角阿嬌致詞後,先後再由經理人Mani、阿Sa及祖兒等致詞。

 

 

 

 

終於齊腳的「龍虎蛇」於台上先後發表感言,首先由Mani打頭陣,「以往都係我哋『龍虎豹蛇』照顧佢,但今日好開心,多咗個人照顧阿嬌,交俾你(賴弘國)啦!我哋可以休息吓啦。阿Sa同阿嬌成長咁多年,我見證阿Sa同阿嬌由小朋友到而家,今日阿嬌……我都好開心,幸福你係一定要擁有!你係好值得擁有呢個幸福o架。」

跟阿嬌組成Twins十七年的好姊妹阿Sa,走到阿嬌面前抱實她,然後幾乎整段對阿嬌的說話都是喊着說:「自從阿嬌同我講……求咗婚啦,嗰一下係完全激動到……真係由十七年前開始我哋兩個……中間咁多年,大家一齊有過好多唔同嘅ups and downs,但係無論點樣都係一齊去渡過。去到今日,見到佢終於搵到一個好錫佢嘅人,呢幾日個心情係好唔識形容,好戥佢高興,同埋……真係好得意呀個感覺,大家一齊大,啊!佢而家要嫁人啦!我真係衷心祝福佢哋,要永遠幸福快樂⋯⋯日日都咁開心。就算嫁咗去台灣都要成日番嚟睇我哋。」

最後更「警告」賴弘國:「你要對她好好的,不然我們不會放過你,哈哈。」

 

 

 

 

 

 

之後輪到因為美國簽証過期而差點出席不到的祖兒說:「上天保佑我今日可以企喺呢度見証阿嬌呢個咁大嘅日子,如果我攞唔到簽証、嚟唔到呢個地方,我諗好多年後我都會覺得好遺憾,我諗大家都知道我哋嘅關係好密切,(國語)非常的密切,非常的開心能夠見到她找到一個那麼愛她的人,我覺得每一人都值得在世上找到另外一個全心全意愛她的人,我非常非常的替你高興!」

最後阿蛇(Yumiko)說:「看着她慢慢長大,今天真的很感動。她在我心中是一個天使,很善良、心裹最純真的,你(賴弘國)好好的待她、好好的對她,如果不好我們龍虎豹蛇都不會放過你,小心點。」講完後,賴弘國便向她們作九十度躹躬,全場氣氛感人。

相片亦可見一班姐妹團和一對新人玩得十分盡興,在阿嬌與賴弘國啜嘴之時,祖兒也和姐妹們扮「嘴嘴」,阿嬌更一度扮鬥雞眼,玩得十分開心。