為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 30 日

文頌嫻晒名車闢謠

四十一歲嘅文頌嫻(文女),一二年奉女成婚,同商人李梓慎(Jason),所生嘅囡囡Jamie,今年已經五歲。產後,文女就淡出娛樂圈,全職湊女做少奶奶。直至前年,佢老公疑似被人貼大字報追債,仲盛傳話文女復出;不過,佢就否認兼冇復出,更加強調老公冇財困。

o依家住何文田嘅文女,就經常出現九龍城行街買餸,東姑早前又喺福佬村道巧遇佢。當日,打扮隨便嘅佢,去到一間街坊電器舖買嘢;入到去,佢問店員攞咗個電拖把,睇啱就即刻畀錢,然後急急腳「閃人」。原來,佢將架黑色寶馬四驅車「double park」咗喺電器舖嘅門口,以防阻住其他車輛出入,甚至無端端食牛肉乾,佢惟有快快脆駛走。東姑睇番佢座駕嘅車價,要成六十幾萬,揸得起呢個價位嘅名車,應該唔似財困啫。

文女喺電器舖選購電拖把,買嘢快、狠、準,閃電手畀完錢就即刻走人。

 

紮馬尾、着T恤牛仔褲,打扮隨便嘅文女,買完拖把就急步返上車。

 

文女座駕嘅車價要成六十幾萬,揸得起呢個價位嘅名車,應該唔似財困啫。

 

一二年,文女同老公Jason奉女成婚,囡囡Jamie如今五歲,一家三口仲不時公開晒幸福。