為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 24 日

柳俊江暖男潮人

人稱「柳爺」嘅前無綫新聞主播柳俊江,離開咗大台嘅新聞部後,曾任職愛護動物協會嘅總監;之後仲撈過界做電影導演同演員,最令人印象深刻嘅,梗係佢喺電影《雛妓》同阿Sa飾演情侶,同埋喺《空手道》飾演賤男。

原來,現實生活嘅佢,有個外號叫「大鼻子情聖」,皆因佢成日冧老婆,仲做到出晒面。佢會分擔家頭細務之餘,閒時仲曉煮番幾味,又會幫老婆影靚靚沙龍相,同埋幫手湊仔女,堪稱「暖男」老公一名。

其實,柳爺唔止係好老公,更加係潮流先驅,佢有個介紹波鞋嘅專欄,當中會搵嚟專業球員、教練、球壇新星,解構吓新舊球鞋。 早排,東姑喺炮台山就見到一位型男經過,佢對波鞋好搶眼, 東姑望真啲先發現係柳爺。

聽講,柳爺最鍾意買運動服裝,而佢呢一身造型,又的確夠晒潮!

 

唔知柳爺係味因為着咗對靚波鞋,所以行得特別快,搞到東姑追極都追唔到佢。

 

柳爺呢對「The Acronym x Nike VaporMax」特別版,要成一千六百蚊,價錢不菲。

 

柳爺育有一對仔女,本着窮養仔、富養女嘅精神,佢對大女疼愛有加,就算細仔出世後,佢依然錫女多啲。