為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 20 日

內地女星天價劇酬曝光

香港嘅電視觀眾,追完日劇,煲韓劇,o依家仲連內地劇集都超受歡迎,好似無綫播緊孫儷主演嘅《那年花開月正圓》,東姑都有追睇,呢套劇揼本製作、演員又個個有戲,好有睇頭!

我國有十三億人口龐大市場,一套收得嘅劇集,利潤真係不得了,難怪有收視保證嘅演員,劇酬吓吓叫到幾千萬人仔咁高,仲依然有價有市噃。譬如,最近內地一位幕後製作人、「影視聯合會」首席執行官董大魏,就喺社交平台大爆當今內地當紅女星嘅劇酬身價,榜上頭十一位女星,拍一部劇起碼都收八千萬人仔(約一億港元),認真犀利!

相信香港人對佢哋都唔太陌生,頭一、二、三位,分別係楊冪、孫儷、同埋范冰冰,之後依次序為:章子怡、白百何、楊穎、湯唯、趙麗穎、迪麗熱巴、鄭爽以及周冬雨,值得一提嘅係,呢個幕後人仲點名激讚,去年擔正《楚喬傳》而人氣爆晒燈嘅趙麗穎,爆佢閒閒哋拍一日就袋五百萬人仔,啲錢真係好易賺!難怪,啲港星個個都撲返內地抓銀喇!

呢位影視聯合會嘅首席執行官,特別畀咗個手指公讚趙麗穎勁,皆因趙麗穎嘅一日片酬就高達五百萬。

 

喺社交平台上面,佢大爆五千萬片酬以上嘅各一綫女星身價。

 

楊冪拍一套劇叫價八千萬人民幣以上,更加位列女星身價嘅榜首。

 

《那年花開月正圓》嘅女主角孫儷,被封為內地嘅電視劇女王。

 

身價不菲嘅范冰冰,身兼劇集製作人,收入更加和味。

 

內地電視劇火紅,連國際影星章子怡都首拍劇集《帝凰業》。

 

雖然Angelababy楊穎叫價高,但就經常被指演技不成正比。

 

去年,趙麗穎憑《楚喬傳》身價再飆升,佢嘅劇酬一套就收八千萬人民幣。