為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 12 日

跌落大窿片段曝光!古巨基驗傷後報平安

古巨基一連5場紅館騷昨晚(5月11日)進入第二場,開場時基仔坐「時光機」出場空降紅館,唱完第一首歌《爆了》之後,他開心地邊行邊講:「有7年冇返紅館,畀啲聲我聽下!」基仔一時不為意踩中正在升降「時光機」的大窿,失去重心的基仔跌入10呎高的台下。意外片段中可以聽到跌落時發出一聲巨響,全場觀眾即時被嚇呆及一片鴉雀無聲。

一班來棒場的基仔圈中友好,更是嚇驚得面色大變,蔡卓妍(阿Sa)及容祖兒第一時間衝去後台了解情況。意外發生後,基仔倒臥於台底地上,醫療人員馬上趕到台底為基仔檢查。專業精神及責任心極重的基仔,完全沒理會自己傷勢,有人提議停止演出,馬上Call白車到醫院檢查,但基仔只是不停輕聲重複,說:「我覺得我可以繼續唱;我想要繼續唱。」

消失了15分鐘的基仔,再緩緩升上台,他用手捽一捽後腦,堅強地笑住跟觀眾說:「冇問題,係我錯,係我唔知道唔記得咗時光機個位,冇問題,多謝你哋願意喺度等返我上嚟。」

晚上完騷後基仔第一時間到醫院檢查,之後他在臉書報平安,拍片親述傷勢:「啱啱去咗醫院做檢查,照咗磁力共振,我其實落地個位係頸背下邊,所以就照咗頸背位,啲骨係冇事,大家可以放心,仲有醫生講係啲Muscle拉親,所以你見可能有少少梗梗哋咁樣,但呢個絕對唔影響我同大家演出嘅,所以大家放心,唔使擔心我嘅,聽日(今晚)照舊如常紅館見。」。

 

基仔一開場就坐「時光機」出場空降紅館,好不威風。

 

基仔和觀眾互動時一時不為意踩中正在升降「時光機」的大窿,即時跌入10呎高的台下,跌落時更發出一聲巨響!

 

醫療人員馬上馬上趕到台底為基仔檢查,頸背落地的基仔傷及頭、頸及手部。

 

專業精神及責任心極重的基仔,拒絕暫停演出,堅持要完騷後才到醫院檢查。

 

基仔回到舞台後,用手捽一捽後腦,堅強地笑住跟觀眾說:「我想繼續,冇問題。」

 

演唱會末段握手環節,負傷上陣的基仔面對熱情粉絲,竟忍痛彎腰握手。

 

完騷後,基仔在同事護送下第一時間到醫院驗傷。

 

基仔在臉書報平安,拍片親述傷勢並宣佈今晚如常開騷。