為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 14 日

李君妍當街派禮

憑參與無綫武術選秀節目《功夫新星》而為人熟悉嘅李君妍,早前喺《愛‧回家》演特技人大顯身手,近日又參演「視后」唐詩詠套新劇《白色強人》。

雖然李君妍仍屬新人一名,但有幸獲韓國洗面乳搵佢做代言。日前,佢仲拖埋十幾個《愛》劇演員到上水一間藥房,企喺街度大派洗面乳,幫個品牌造勢。東姑見佢哋唔使一粒鐘,都派咗好幾箱,而啲上水街坊見有明星駕臨,都不停咁上前「集郵」,搞到場面都好熱鬧。事後,李君妍仲好識做,請班同事食下午茶答謝。佢同東姑講︰「同啲街坊咁近距離接觸,幾好玩,佢哋好友善,都記得我拍過咩劇。」

李君妍親自派禮物畀每位街坊,短短一粒鐘,就派晒咯。

 

有小朋友認得佢,佢仲好親切咁烏低身跟對方合照。

 

李君妍拉大隊《愛.回家》嘅演員落場去到上水嘅藥房派禮物畀啲街坊,開工前先來個大合照。

 

完成工作,佢好大方請大家食下午茶,相當識做。