為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 13 日

黃浩然打扮得宜青春常駐

四十二歲嘅黃浩然,結埋婚生埋兩個寶貝仔,但係早前播出劇集《果欄中的江湖大嫂》,佢仲係扮演「死o靚仔」嘅角色,好明顯係佢保養得宜。好似遲啲佢同楊千嬅合作新劇《多功能老婆》,好多人期待〇二年電影《新紮師妹》裏面,「劍雄」同「方麗娟」再合體,但係奇就奇在,今日嘅黃浩然同當年嘅「劍雄」變化不大,就好似食咗防腐劑冇老過。

其實,保養緊要,打扮都唔可以缺少,好似早前東姑喺銅鑼灣撞到黃浩然,一身型仔打扮嘅佢,牛仔拼布cap帽襯番條爛牛仔褲,而白色外套又襯番對全白波鞋,衣着認真襯到絕。

現場見佢行咗入去一間運動專門店,一支公shopping,喺舖內睇鞋、睇衫,又睇帽,最後少少哋,都買咗一頂型格蛇皮cap帽,睇嚟佢平時都相當重視置裝同打扮。其實,黃太婚前都係圈中知名嘅形象指導,有個咁專業嘅老婆,老公嘅品味難怪亦有番咁上下喇!

一身潮人打扮嘅黃浩然,由帽到衫褲鞋,明顯悉心配襯過!

 

佢喺一間運動品牌專門店,選購服飾揀到入晒神,少見男人咁享受shopping。

 

佢似乎一眼

 

黃浩然同老婆KaKa 結婚十三年,育有兩子:大仔Kayden同細仔Ransley,分別七歲同五歲,而佢仲係出名「好好先生」。