為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 12 日

湯洛雯港女十式冧粉絲

湯洛雯(靚湯)同羅天宇因為合作《愛‧回家》而撻着,兩人拍拖四年,就算被影無限次,依然唔認戀情。直至去年十月和平分手後,終於坦白承認,仲話大家因為生活嘅問題,導致分開,靚湯更加講明話復合機會唔大,分手反而鬆口氣,心情平伏咁話!

早前,東姑見靚湯喺電視城做完嘢,揸住佢架平治靚車離開,心情果然唔似受到分手影響。佢喺門口見到幾個粉絲,即刻就停低走落車,好識做咁同啲粉絲寒暄兼影相。

現場見佢仲自動波,擺埋「港女十式」嘅自拍甫士,又舉V手勢、又嘟嘟嘴,冧得班粉絲好滿意。人哋話情場失意,通常事業得意,失戀嘅靚湯就醒目喇,冧到呢班「米飯班主」dup dup掂,皆因前途係好係醜,唔多唔少靠fanso架!

見到粉絲專程入嚟電視城守候,靚湯都識做停低架車,熱情咁應酬大家。

 

靚湯啲甫士都係扮萌、扮可愛嘅招牌「港女十式」,舉晒V手勢同埋嘟晒嘴。

 

所有粉絲都係潛在嘅「米飯班主」,難怪靚湯殷勤同佢哋「集郵」。