為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 11 日

陳山聰孭飛扮輕鬆

去年憑電視劇《同盟》,喺無綫頒獎禮奪得「最佳男配角」嘅陳山聰,時來運到,最近再喺新劇《金宵大廈》升呢做埋「男一」。呢鋪如果掂咗,以後肯定大把世界,難怪佢自言壓力唔細。

不過,早前東姑喺銅鑼灣一個大型商場,巧遇佢為新劇開工拍外景;而着晒成套保安員制服嘅佢,同場仲有林子善做對手戲,拍攝時都相當輕鬆下。

現場見山聰同子善對稿時都有講有笑,而鏡頭後,佢對住啲工作人員就更加「蓮子蓉咁嘅面口」,兼且禮貌周周。唔知佢係故作輕鬆,定堅係淡淡定有錢剩呢?相信,佢係無謂將自己嘅緊張壓力,影響到其他人,呢啲咪係EQ爆棚囉!

陳山聰同林子善拍對手戲表現得好輕鬆,鏡頭背後仲一副嬉皮笑臉,大家有講有笑。

 

佢對劇組上下都有禮貌,現場唔該前、唔該後咁,相當nice!

 

第一次孭飛「男一」不容有失,但係EQ高嘅陳山聰,成日笑面迎人,同台前幕後都合作愉快。