為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 05 月 11 日

貼錢教練功  羅康瑞開班教記者

近日記者協會發電郵通知會員,下月開班教「練功十八法」,助成日打稿嘅記者紓緩肩頸膊痛,執教嘅導師竟然係瑞安集團主席兼貿發局主席羅康瑞。如此重量級,本刊於是向記協主席楊健興問個究竟,原來呢個班係羅康瑞嘅主意。

「今年春茗見到羅主席,講起好多記者工作都好辛苦,唔少都有頸背痛。羅主席話自己多年前都有頸椎痛症,但自從喺上海學『練功十八法』後,練咗幾個月就好番。佢主動提出,開班傳授功法畀前線記者。」楊健興憶述。

但楊健興笑言羅主席太忙,所以約咗幾個月,終於夾到六月檔期開班,地點就喺中環中華總商會總部,「佢話試過喺嗰度開班教過幾次中總嘅會員,所以今次揀番呢度。我提出畀番租場嘅錢,但佢透過秘書話唔使。」

記協今次開班費用全免,名額一百人,暫時已經有五、六十人報名,認真熱烈。講番呢套「練功十八法」,原來大有來頭,據講喺一九七五年由莊元明,集八段錦、易筋經等民間幾種健身功嘅精髓而成,對防治頸、肩、腰、背痛特別有效,果然o岩晒日日要跑新聞嘅前線記者。

曾受頸椎痛症折騰嘅羅康瑞(下圖),自從學識「練功十八法」後病痛無晒。主動提出開班傳授功法畀前線記者。