為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2018 年 05 月 08 日

關慧玲

《東周刊》社長兼總編輯。

香港發明家臥虎藏龍

貿發局副總裁葉澤恩剛從瑞士日內瓦回來,原來他隨香港百人參賽團去咗當地嘅國際發明展(上圖)。今次香港參展代表橫掃唔少獎項,包括理工大學發明嘅有效延緩小孩近視加深嘅眼鏡鏡片,更勇奪全場總冠軍(下圖)、特別大獎及評判特別嘉許金獎三項大獎,威盡國際。香港科學園也有參賽,成績亦不俗。

 

 

 

 

理大這款「多區正向光學離焦」(DIMS)眼鏡片,可令眼球生長變慢,有效減慢兒童加深近視的速度達六成,預計今年夏季可以推出市場。

理大其實係這個發明展參賽常客,早年理大已憑治療香港腳的「衞生襪」,和提煉老虎蘑菇以治療乳腺癌技術等得過大獎。

聽葉澤恩講,這個發明展辦咗四十六屆,每年集結全球發明家一展身手,好似華山論劍咁,而香港原來一直表現優秀,邊個話香港創科落後?

香港發明創新總會今年率領百幾人共九十八個發明項目參賽,喺全球八百多個項目當中,共獲得二十五個金獎(附以評判嘉許),四十七個金獎和二十個銀獎。

葉澤恩話,香港某商會睇中呢項比賽,計劃今年喺香港另設一個亞洲區發明賽,會在貿發局年底舉行嘅SmartBiz Expo展覽中進行終極評審,到時戰線延伸至亞洲,各好手又可以一較高下。