為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 陸叔開CHAT 2018 年 05 月 12 日

陳永陸

生活是很個人化的態度,人稱「陸叔」的著名財經股評家、兼投資策略顧問,用輕鬆心態,與跨界別嘉賓及以時事專題,去打開財經及以外的話匣子。

志明與西貢

胡志明市原名西貢,曾經係南越首都,在一九七六年改名,目前係越南最大城市和經濟中心。西貢和胡志明市不但係一個城市嘅新舊名,亦代表呢個前法國殖民地嘅前世今生。一段段波濤洶湧嘅歷史,獨特文化背景,造就今日胡志明市法式浪漫與南洋風情兼備嘅獨特魅力。

Lonely Planet如此形容胡志明市:「舊日的魅影存在於建築物之間,這裏上一代還身處動盪,今天這前西貢是一幅都會拼圖,她真正的美在於能糅合(新與舊、奢華與平民)兩個世界,成為精采紛呈的城市。」

胡志明市的確有經濟有文化,不過對於為食遊客嚟講,美食都係重中之重。我唔係變身旅遊KOL,而係上次首度隨團到台中尋味,認識咗一班識食愛歎嘅團友,佢哋食過翻尋味,經常追問幾時再出團。於是我再揾尊賞假期商量,最後選定到有「東方小巴黎」之稱嘅胡志明市覓食。

越南美食結合法國和東南亞風味,加上華人美食文化,在香港都成行成市,不過去到胡志明市當然要試勻不同菜式。當地由浪漫高級餐廳、獨特時尚咖啡廳,以至街邊小檔攤,都可尋到佳餚。美食太多,時間太少,我同旅行社多次商量,忍痛剔走咗一啲本身都好有質素嘅餐廳,務求要在四天內嚐盡經典法國菜、法式fusion、越南海鮮餐、中式參翅、越南地道美食和越式法包,當然唔少得最具標誌性嘅越南河粉。

除咗豐富地道美食,漫步胡志明市,沿路觀賞殖民時期遺留落嚟嘅法式建築,包括有紅教堂之稱嘅聖母大教堂和百年郵政局,都係賞心樂事。仲有少數西貢時期保留至今嘅檳城市場,可以在此尋覓當地地道平民美食兼搜羅特色手工藝品。

又講吓經濟。亞洲開發銀行去年作出展望,預測二○一八年東南亞地區經濟增長達到百分之五,地區內幾乎所有經濟體都呈現上升勢頭。其中,越南國會提出今年經濟增長至少百分之六點五嘅目標。過去十年間,越南每年增長五至近七個百分點,人均收入在二○○八年已超過一千美元,目前更增至二千四百美元,可見人民生活水平日益提高。

我自己在九十年代首次去越南公幹,考察當地嘅工業、基建和地產發展。當時越南經濟以成衣、鞋類等製造業為主,但近年政府推動高科技與服務業領域嘅投資,並積極融入國際社會以促進貿易發展,希望發展能更上一層樓。

所以我好期待和團友登上胡志明市最高建築物金融塔,俯瞰整個城市嘅景色,了解當地發展。呢個時候加上一杯地道滴漏咖啡,志明與咖啡,香醇而酸苦調和、温潤回甘,就如完美人生。

胡志明市極具文化特色, 有「東方小巴黎」之稱,而當地經濟增長亦相當蓬勃。