為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 04 日

陳瀅女神「捐」後巷

陳瀅(Jeannie)橫睇掂睇,都係一個「仙氣女神」,喺「巴打」心目中,更加係完美零瑕疵,網絡上仲有人講笑咁講,女神就算「便便」都係香唔會臭嘅添。

早前,Jeannie出席一個品牌活動,遲到一個鐘,佢解釋途中遇上大塞車兼爆裙,感覺內疚,仲忍唔住當場爆喊,認真「慘慘豬」。

嗰日,東姑咁啱就喺銅鑼灣巧遇女神,做完活動後,由助手陪同行返去攞車。一臉愁爆嘅佢,全程披住大圍巾遮住條爆裙之餘,仲見佢着住對三吋高踭鞋,為走捷徑捐窿捐罅,穿過排檔同埋啲污糟邋遢嘅後巷,先到達佢架泊喺街嘅八十萬波子跑車度。真係難為了女神,好想、好想呵番佢呀!

着住三吋高踭鞋,披住圍巾嘅Jeannie,捐窿捐罅走入排檔走捷徑。

 

女神無懼後巷滿佈垃圾,兼蛇蟲鼠蟻橫行,竟然帶住助手一馬當先。

 

嗰日,佢將架價值超過八十萬嘅白色波子跑車,隨便泊喺街;而呢架車,佢只係剛剛換咗幾個月。