為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 07 日

黃智雯提早拉票

自〇七年參加港姐入行後,黃智雯一直默默耕耘,一五年開始更獲提名「視后」;不過,三年來始終同獎項無緣。最近,佢憑劇集《三個女人一個「因」》爆紅,觀眾對佢一人分飾三角嘅演技有讚冇彈,仲力撐佢今年一定做「視后」。最近,佢仲自爆由於《因》劇,多咗好多登台同拍廣告嘅賺錢機會。

黃智雯人氣急升,無綫亦捉緊機會,畀佢拍梁材遠監製嘅大製作《反轉貴利王》(暫名)之外,仲搵《東張西望》幫佢造勢。日前下午,《東張》主持容羨媛,帶住黃智雯去銅鑼做街訪再催谷人氣,仲叫黃智雯即場表演一人分飾三角。東姑就見到有師奶對住個鏡頭大讚黃智雯演技一流,更加話佢一定做視后喎。不過,年尾先選「視后」,使唔使咁早拉票呀?

入晒戲嘅黃智雯,一手搭住師奶嘅膊頭,一手拎住個紅色bra,變身劇中嘅「菠蘿椰奶」。

 

見到黃智雯連bra都出埋,呢位師奶即刻話:「梗係支持你做視后喇!」