為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 05 月 06 日

Race擘大眼就收Hermès

樂壇前姊妹組合「2R」嘅妹妹黃婉佩(Race),喺一六年十一月,嫁咗畀新加坡富商David Loh,佢自此喺香港銷聲匿迹。據悉,David比Race大十九歲,做房地產生意,白手興家,離過婚仲有一對十幾歲嘅仔女。

Race曾經同東姑透露,啱啱開始認識老公嘅時候,根本就冇諗過,會同一個曾經結過婚嘅人一齊,再加上對方有一對仔女,「我哋相識兩年先拍拖,半年之後就結婚;其實,拍拖第二個月,我已經發覺佢有啲古怪,忽然帶我去卡地亞試戒指,偷偷量度我手指嘅尺碼;之後,我哋去美國拉斯維加斯旅行,佢就向我求婚。老公比我大十九年,思想成熟,而我本身都鍾意成熟嘅男士。」

David向Race求婚之後,佢哋就開始不設防,仲好快就生咗個囡囡。Raceo依家住喺價值一億嘅大屋,坐頭等機位周圍飛,過住幸福少奶奶生活;仲有,老公成日畀驚喜佢,無啦啦起身就收到幾十萬嘅Hermès包包,呢啲生活真係恨死唔少女士囉。

Race嘅老公比佢年長十九歲,Race話最難得嘅係,同老公前妻嘅仔女相處融洽。

 

Race嘅生活優哉悠哉,得閒去做按摩、旅遊,兼且食好、住好,羨煞旁人。

 

老公成日畀驚喜Race,無啦啦起身就收到幾十萬嘅Hermès包包,恨死唔少女士囉。

 

Race話最鍾意老公成熟有智慧,仲當佢有如小公主般服侍,令佢生活無憂。

 

成日帶住囡囡周圍飛嘅Race,梗係坐頭等啦!影啲相放上社交圈,等人羨慕下,是常識吧!