為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 05 月 04 日

開放日揭神秘面紗 中聯辦員工臥虎藏龍

中聯辦大樓上周首次舉辦開放日,掀開大樓嘅神秘面紗。呢幢大樓有三十八層,今次開放一至三樓,以及八至九樓,曾經接待李克強、汪洋、溫家寶、劉延東等國家領導人嘅二樓中、西式會客廳,係今次嘅重頭戲,除咗可以參觀裝修特色,有啲細節位原來有段古,好似廳內掛有兩幅油畫好有寓意,分別名為《香江頌歌》及《元朗風光》,反映香港獨特嘅都市風情及郊野風光。

大樓唔少畫及攝影作品,原來係出自中聯辦員工嘅手筆,可見佢哋多才多藝。唔止咁,大樓有好多康樂設施,因為中聯辦臥虎藏龍,好多員工都係各種球類運動嘅高手,仲成立十幾個代表隊,每年同香港各界代表團進行六百幾場友誼賽,中聯辦主任王志民都係乒乓球愛好者,乒乓「內交」一樣好了得。

此外,參觀者最興奮係去大樓嘅員工餐廳醫肚,呢度可同時招呼三百人,而且因為中聯辦員工來自五湖四海,廚師擅長炮製中國各地美食,好多仲係好地道嘅小食。開放日當日,以江蘇馳名嘅黃橋燒餅最受歡迎,好多江蘇老鄉都覺得味道好正宗,食到家鄉嘅味道。

大樓內設有各種康體設施,中聯辦主任王志民技癢與在場人士搓兩板乒乓球。

 

會客廳係今次開放日嘅重頭戲,進場人士爭相拍照留影。

 

現場有唔少攝影或藝術作品,原來唔少來自中聯辦員工嘅手筆。