為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 27 日

陳浩民追生第五胎

四十八歲嘅陳浩民,同內地嫩妻蔣麗莎,自一一年奉女成婚後,五年抱四,共育有一子三女,絕對係圈中「多仔公」!

早前,東姑去陳伶俐喺銅鑼灣開嘅餐廳食飯,就巧遇佢兩公婆,仲約埋玄學家麥玲玲,同麥長青(麥包)一齊飯局。席間,陳浩民同麥包兩個男人雞啄唔斷,而老婆蔣麗莎就乘機捉住麥師傅,猛請教佢關於風水命理嘅問題。東姑坐喺隔籬枱都聽到唔少嘢,蔣麗莎竟然問起麥師傅好唔好再生第五個,又問再生會係仔定女咁,睇嚟真係仲未打算「封肚」!

同埋,佢哋雖然生得多,但係都好關心仔女嘅學業,正考慮遷就啲仔女喺北角區返學,準備由何文田搬去北角住,實行「孟母三遷」,又問麥師傅邊處嘅風水好。

東姑所見,陳浩民同老婆相當煙韌,不介意喺人面前耍花槍,難怪夫妻感情咁sweet,不設防一直生,生夠一隊足球隊都有可能啦!

陳浩民同老婆蔣麗莎,約埋麥長青、麥玲玲開餐。席間,佢兩公婆多番請教麥玲玲,有意再生第五個小朋友。

 

陳浩民同麥長青因當年合拍電視劇《西遊記2》而相熟,兩個男人聚舊講唔停,而蔣麗莎就不停捉住麥玲玲問風水命理問題。

 

陳浩民同麥長青大駕光臨幫襯,餐廳老闆娘陳伶俐不忘捉住兩位舊同事合照。

 

陳浩民同老婆五年抱四,大女Elizabeth六歲、二仔Cyrus四歲、三女Isabella三歲、孻女Victoria則年僅兩歲,一家六口好幸福。