為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 20 日

專訪「印度劉華」阿米爾汗 A貨劉星會

唔好話土炮天王劉德華無人不識,連有「印度劉華」之稱嘅當地巨星阿米爾汗(Aamir Khan),都有唔少香港粉絲。

好戲無分國界,呢位52歲嘅印度國寶級演員,本周日(15日)旋風式襲港,受到本地粉絲超熱烈歡迎。重點梗係為新片《打死不離歌星夢》嘅慈善見面會,「A貨」同真.劉華世紀會面,真係此刻無價。

除咗「雙華」聚頭夠gimmick,阿米爾喺同《東周刊》嘅專訪入面,分享對創作同社會議題嘅高見,仲表示力撐「#metoo」反性侵,夠晒緊貼潮流!

「印度劉華」阿米爾汗喺本周日來港,出席新片慈善見面會、金像獎等多個活動,仲難得抽空同《東周刊》讀者say個hi,多謝大家支持咁話!

 

慈善片王

話阿米爾似劉華,又真係無錯。即使佢嘅作品好似《作死不離3兄弟》等套套全球賣座,身家粗略估計高達18億美元,呢日接受專訪,依然隨和親民,全無天王架子。

不過來港此行活動極多,宣傳新片、出席金像獎、主持講座,忙到玩都無時間,「好在酒店房有個維港view嘆吓!」

即使喺印度家鄉,阿米爾經常戲接戲,另加慈善工作,真正一日有48小時都唔夠使。難得佢依然熱血,一直有「透過電影改善社會」嘅宏大目標。

兩位「劉華」相會嘅歷史性時刻,除咗藉電影做慈善之外,互笠高帽都係指定動作,華仔仲話對方比自己早出道,謙稱自己係「香港Aamir」至真!

 

《打死不離歌星夢》至今已經全球賺得接近12億港元,香港票房肯定仲有得上,「印度劉華」號召力超勁。