為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 20 日

江美儀出錢出力

江美儀早前睇新聞,留意到沙田一間學校嘅學生勝出話劇比賽後,獲邀去芝加哥參賽,但因冇旅費而要放棄機會。善心大發嘅佢,靈機一觸,即時搵埋老友滕麗名(阿滕)同麥長青(麥包)幫手籌款,幸好一呼百應,短短一個星期,已經籌得三十四萬多元,順利完成任務。

上周四(十二日),佢哋喺沙田舉行火鍋晚宴慶祝,班學生仲喺現場表演話劇,曾志偉都親身到場支持。身為搞手嘅江美儀,心情大好,滿場飛,一時同啲小朋友影相,一時又去招呼啲演藝朋友。佢同東姑講︰「我哋好開心,難得有機會幫到人。我好多謝啲朋友,我喺群組度講呢件事,佢哋即主動捐錢,好幫手。」佢仲好大方出示捐款名單,原來周迅、方中信、鮑起靜、陳浚霆(街僮)等都有份捐,佢同阿滕唔單止出錢仲出力,阿滕話見到江美儀咁落力,真係感動得眼濕濕!人間係有情o架!

江美儀跟阿滕為做善事不遺餘力,佢哋都好滿意喺短時間已達標,呢張學校嘅感謝狀已見證佢哋嘅付出。

 

今個月六十五歲生日嘅曾志偉,雖然生日飯局多籮籮,但都專誠嚟睇班學生做話劇。

 

佢哋成功為學童籌募旅費,成班學生同校長都好感激佢哋。

 

雖然方中信平日咁cool,但都好關心啲小朋友,當晚跟鮑起靜同方平一齊坐,邊食邊交流。

 

善款名單中,江美儀、周迅、方中信各捐咗一萬元,阿滕和街僮則捐咗五千。