為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 22 日

蕭正楠麻甩查案

無綫之前嘅《降魔的》講鬼怪,贏收視又贏口碑;新劇《十二傳說》則用香港著名嘅十二個靈異事件做為藍本,包括有大家耳熟能詳嘅「狐仙」、「新娘潭」同埋「七姊妹」等傳說,並由飾演記者嘅蕭正楠(蕭公子)、篤信風水鬼神嘅警察張穎康,以及民族學教授嘅林夏薇,去拆解劇中呢啲古怪疑案!

日前,佢哋喺一間糖水舖為《十》劇拍外景,當中以蕭公子造型最為突出,留到成面鬍鬚,着鞋唔着襪,兼踩住個鞋踭,爛撻撻嘅麻甩look,拼埋官仔骨骨嘅張穎康同斯斯文文嘅林夏薇身邊,可謂相映成趣。

東姑所見,套劇雖然講埋啲靈異嘢,但係有蕭公子喺度,戲外其實好活潑輕鬆,佢哋未埋位時歡笑聲此起彼落。到拍攝完畢,着住戲服嘅蕭公子,都好有手尾咁自己拎番大袋私伙鞋同衫離開。沿路唔少途人同佢打招呼,佢仲好有禮貌回應。

喺劇中扮演記者調查靈異事件嘅蕭公子,造型一身爛撻撻,留晒鬍鬚,又踩踭着鞋唔着襪,麻甩味十足。

 

拍完室內景,蕭公子行前頭,喺人逼逼嘅街頭,幫林夏薇開路。

 

蕭公子拎住大袋自己啲私伙鞋同衫離開,仲難得係做埋林夏薇嘅「護花使者」,認真man爆!