快將榮升奶奶的薛家燕，近來因為兒子石耀庭這樁婚事，既興奮又緊張；她親力親為籌備之餘，還不惜大灑金錢，豪花四千萬！

為了這口新抱茶，她除了早早安排好六月兩場盛大婚宴之外；本刊又發現，她還大手筆到以一個市值二千萬的西半山豪宅單位，當作兒子的新婚禮物！而早於一對新人過大禮儀式前，家燕姐便親自到珠寶金行包場掃金器；期間，她更精挑細選了兩對合共四十萬元的龍鳳鈪，贈予未來新抱仔Zoe，錫到燶！

今年六月榮升奶奶的家燕姐，早前偕未來新抱仔Zoe，到六福掃金器；期間，她更為新抱仔選購了兩對廿萬的龍鳳鈪。「我認識佢哋嘅黃偉常主席，唔單止招呼周到，仲有優惠。」

一百分新抱

家燕姐於今年六月將飲新抱茶，對於未來新抱仔Zoe，她讚口不絕：「佢值一百分！好賢淑、好純品、好禮貌又好錫我個仔（石耀庭），的確係抵錫嘅！」家燕姐並非只口讚，她早前便偕Zoe往揀金器首飾，並選擇了她曾當過代言人的六福。「佢哋嗰日特登封咗成層二樓招呼我哋，又搬晒啲金器出嚟，畀我哋任揀。」

當日，家燕姐的收穫甚豐，戰利品當然少不得寓意傳宗接代的金豬牌，她又親自挑選了兩對粗身的龍鳳鈪贈予新抱仔。據了解，該龍鳳鈪扣除了手工費後，亦要廿萬元一對。她笑着說：「價錢呢啲嘢就唔方便講，最緊要係心意啫！其實，我另外仲會有啲我媽咪傳畀我嘅玉器同紅寶石首飾，畀我嘅新抱仔嘅。」

為新抱仔掃金器、首飾，家燕姐全程表現得十分興奮，頻頻着店員為她試戴上手，以及留意兒子（左一）的反應。

當日，除了為新抱仔掃金器之餘，家燕姐亦着新抱仔幫眼，為自己揀選多款首飾，又叫兒子照相留念。

石耀庭和未婚妻Zoe早前過大禮，禮包除有禮餅外，亦有大量金器首飾及名貴的參茸海味，估計逾百萬。