為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 12 日

林伊麗同猛男當街黐纏

現年二十九歲、無綫娛樂新聞台女主播林伊麗(Michelle),一三年參選香港小姐,當年仲有「翻版張鈞甯」嘅稱號,可惜最後落選,不過依然獲得無綫嘅青睞,簽約旗下。除咗報道娛樂新聞外,佢仲有份主持《真係咁都得》、《季節限定秋冬》等綜藝節目。

平時密密實實嘅Michelle,之前因為拍攝旅遊節目《三日兩夜》,要着上比堅尼浸溫泉,使其驕人嘅身材表露無遺,亦令一眾網民眼前一亮。不過,索女去年已經「封盤」,同拍拖一年半嘅金融才俊男友Henry Chow喺峇里結婚。

早前,東姑喺將軍澳,撞到Michelle收工之後,有廿四孝老公Henry揸車嚟接放工。兩人等過馬路時,仲黐黐纏纏,Michelle蹺住老公嘅手臂,煙韌到老公抽番隻手出嚟,聽個電話都唔得;見Michelle好似「貼身膏藥」咁,馬上又拖番住老公,兩個人隻手分開一下都唔得。然後,佢哋十指緊扣過馬路,睇嚟新婚夫婦特別甜蜜,認真冤鬼氣!

Michelle係一三年嘅落選港姐,

 

早前拍攝旅遊節目時,Michelle着上比堅尼浸溫泉,其驕人嘅身材表露無遺,令一眾網民眼前一亮。

 

有老公嚟接收工嘅Michelle,心花怒放,蹺住老公手,當街打情罵俏。

 

Michelle好似「貼身膏藥」,老公放開手聽電話,佢一秒後又即拖番實老公。

 

兩個人十指緊扣拖實過馬路,但係因為老公講電話冷落咗佢,搞到Michelle好似「嬲嬲豬」。