為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 13 日

楊卓娜擁少女心的後母

楊卓娜喺〇九年下嫁「廣告燈箱大王」楊志翹之後,馬上榮升三女之母,除咗親生女舒然(乳名:豹豹)之外,仲勞心勞力照顧兩個繼女,難得四母女相處融洽,一家人樂也融融。

東姑早前喺將軍澳,兩次遇到楊卓娜,一次見佢戴住口罩,出現喺一間補習社,估計佢係同細女報讀繪畫興趣班,見佢一次過就幫囡囡報足半年,交晒四千幾蚊學費,睇得出佢好有心培養囡囡,發展藝術方面嘅興趣,唔會一味「監」個女死讀書,真係好難得。

另一晚,又見楊卓娜同埋老公,湊埋二女、細女,同行仲有外傭姐姐,一共五個人,喺一間茶餐廳開餐,場面仲好溫馨。兩公婆恩愛sweet sweet唔在講,未食嘢之前,老公仲幫老婆洗碗抹筷子,體貼照顧、十分之周到。而楊卓娜同兩個女,亦玩到好開心,打成一片。佢猛講笑,o氹到兩個女笑到「咔咔聲」,同時又見佢好有「少女心」,喺公眾場所對住老公、囡囡面前,伸晒脷扮晒鬼臉、整古做怪咁,睇嚟佢份人真係好玩得,最難得嘅係,佢同啲囡囡融洽到好似朋友咁。唔怪得,東姑成日聽到人讚佢係個好媽媽、好後母喇!

一家人食茶餐廳開餐期間,楊卓娜好有「少女心」咁整古做怪,對住老公同囡囡伸脷扮鬼臉。

 

東姑見楊卓娜對住兩個囡囡講咗一啲嘢,

 

作為一個在職媽媽,同時要兼顧工作嘅楊卓娜,一邊好忙覆message,一邊同兩個女傾住偈,一心二用。

 

〇九年下嫁「廣告燈箱大王」楊志翹後,楊卓娜即時升呢兩個繼女嘅後母,之後生咗細女豹豹;而佢照顧三個女一直都好稱職。

 

戴住口罩嘅楊卓娜,喺一間補習社,幫細女報興趣班學畫畫。

 

見佢一次過畀晒四千幾蚊嘅半年學費,為咗培養細女,絕對「濕濕碎」唔慳得啦!