為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 04 月 13 日

泛民備戰區選 銀彈利誘落區似跑數

距離明年舉行嘅區議會選舉仲有成年,但民主派已布陣備戰,原因係上月立法會補選泛民受挫,令佢哋意識到單靠政治議題未必受落,特別係區選選民更重視地區工作。據悉,泛民兩大黨民主黨及公民黨都出動「銀彈政策」,用補助金利誘社區主任落區,搞活動愈多獎賞愈多,但就被部分黨員批評似推銷員「跑數」。

以民主黨為例,將地區活動分為軟、硬兩類,軟係指「蛇齋餅」等聯誼活動;硬就係政治議題討論活動。社區主任每月搞六場軟、硬各佔一半嘅地區活動,以及出席兩場黨中央活動,可獲一千五百蚊資助;如果搞九場地區活動,及出席三場黨中央活動,更可獲全額三千蚊資助,連續三個月獲全額更有額外五百蚊獎賞。

新計劃本月起試行三個月,之後或會常規化。但黨內反響唔少,有人批評計劃令社區活動「為搞而搞」,失去舉辦活動嘅真正意義,而且靈活性大減。

那邊廂嘅公民黨擬於五、六月實施類似計劃,要求地區主任搞軟、硬活動,以及最少每周落區一次,唔同之處係該黨有評審機制,地區主任每季要見評審匯報工作,評審滿意才獲不多於三千蚊資助。同時,為增加活動號召力,該黨政治明星如梁家傑、余若薇等人定期現身撐場。

民主黨為迎戰明年區選,推出獎賞制度,利誘社區主任落區見街坊。