為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 時事  > 政官莊 2018 年 04 月 12 日

直擊游蕙禎神隱生活 新歡曝光兼有工返?

人稱「本土派女神」嘅游蕙禎被DQ後一度銷聲匿迹,直至最近才有新消息,盛傳伊人情歸九十後新歡,譜出姐弟戀。

消息人士話,呢位男主角洋名叫Matthew,係本土派中人林肇彥,據稱去年九月已經同游蕙禎「撻着」。據認識林肇彥嘅人講,佢同游蕙禎嘅作風一樣咁出位,o依家讀緊恒生管理學院新聞及傳播系四年級嘅林肇彥,係該校本土學社嘅成員,一六年立法會補選曾經帶領成員出動為本民前候選人梁天琦站台。

口才了得嘅林肇彥亦喺本土民主前線網台Channel i,主持節目「解毒香港」,不時就社會熱話發表「獨」論。去年年宵,佢仲喺維園擺檔,賣疑似宣揚港獨嘅產品,當時游蕙禎同梁頌恆亦有現身撐場,但無幾耐就被熱血公民話佢賣嘅產品有抄襲之嫌,掀起一場網上杯葛。

有知情人士話,林肇彥曾經參與佔領行動及旺角騷亂,喺校內亦係「烈男」一名,作風激進,讀書成績不過不失,但表演慾強,聽聞佢之前讀過城大,還積極參加英文辯論隊。轉去恒管後,繼續博出風頭,前年時任政務司司長林鄭月娥到訪該校,佢就帶頭發起示威,又企圖衝出馬路攔截林鄭嘅座駕。

「佢跟本土派行得好埋,盛傳佢有意鋪路從政,本民前之前曾力邀佢入黨,但最後不了了之。佢喺本土派未見有咩代表作,最威算係今次追到本土派女神。」知情人士說。
情場得意嘅游蕙禎,「飯碗」也傳有着落。本刊上個禮拜清明節,喺銅鑼灣發現佢「一支公」拎住公事包步出疑似新居,然後搭地鐵去葵涌新都會廣場,出閘無幾耐就突然停低戴口罩,似係怕被人認出。之後,佢行到廣場一座辦公大樓大堂閘口,無耐有個女士落樓接佢入內。

呢幢大廈有大型美容公司、保險機構等承租,仲有勞工處辦事處,但大部分喺當日公眾假期唔開門辦公,游蕙禎要人接上樓,斷估唔係全職員工。其實早有傳游蕙禎有份兼職,但因為怕僱主受牽連,所以一直對新工收得仲埋過新戀情。

本刊直擊到被DQ嘅游蕙禎o依家過着平凡生活,上周佢迫地鐵由銅鑼灣去到葵涌,唔知係咪返工?

 

傳出姐弟戀後,外界以「凸腩新歡」形容林肇彥,游蕙禎大方上載兩人合照喺FB,仲叫大家留意男方個肚腩。

 

游蕙禎去到葵涌新都會廣場後,似乎無卡嘟入內,無耐有位女士落樓嚟接佢。