林夏薇瞓身玩瑜伽波　狗仔亂入衝埋去

林夏薇（薇薇）一向身材驕人，前排在《乘勝狙擊》更有「全祼」演出，大派福利。

不過薇薇一啲都唔吝嗇，日前又係社交媒體大騷身材，今次仲瞓身拗腰大玩瑜伽波，展現最完美的健身曲線，但係拍片途中，哥基狗突然亂入衝咗埋去，全部粉絲嘅焦點都落咗係狗狗到。

薇薇呢排密密曝光，近日先因為宣傳劇集《逆緣》，頻頻同陳家樂、姜大衛等現身，林夏薇跟陳家樂於劇裏有幾場親熱戲，家樂大爆拍攝其中一幕親熱戲時，他更突然流鼻水， 十足《喜劇之王》劇情。

不過薇薇都好放得開，而日前薇薇係屋企玩瑜伽波，兼且拍片，瞓身到最盡嘅時候狗狗「金菠蘿」走咗埋去，可能係好奇主人做緊乜，之後仲強行同薇薇咀咀，真係好痴心！薇薇就嘗試推開佢，最終狗狗都好乖咁行開咗。薇薇仲留言講咗句：「難得有空做運動拉下筋～阻住晒！#金菠蘿 都係開電視睇#逆緣 #Aki」。

而網友就話「是來揩油的」、「熱情狗狗教練， 遇上冷冷健身美女」、「我想當那隻狗」。

林夏薇專心玩緊瑜伽波，大騷fit爆身材。

 

怎料哥基狗突然亂入，薇薇就嘗試推開佢，最終狗狗都好乖咁行開咗。

之後哥基狗折返，仲強行同薇薇咀咀，非常痴纏。