為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 04 月 02 日

唐文龍茶飯不思

一直被指係hehe嘅唐文龍, 早排就同細佢廿三歲嘅黃文意傳出「父女戀」。其實,佢之前已經喺訪問中講過,話鍾意一啲比較年輕嘅女仔,因為咁樣喺生育方面都會好啲喎。即使黃文意合晒佢嘅胃口,但係呢段戀情,竟然搞出一單羅生門事件。

有指女方借緋聞博上位,事先張揚戀情;不過,又有人話係男方放料博曝光,所以最終兩人不歡而散。當然清者自清嘅唐文龍,就唔驚任何人講乜;反而,佢最擔心嘅就係因為呢單新聞,影響佢哋嘅友誼。一向好有風度嘅佢,同東姑講,女方只不過係一個新人,可能承受唔到呢啲壓力,請大家唔好傷害佢咁話。

日前,唐文龍約咗亞洲先生黃竣鋒出嚟聚舊,點知成餐飯,茶飯不思。當黃竣鋒問佢發生乜嘢事?佢就只係話近排啲新聞,搞到佢真係好亂同好唔開心。東姑都估唔到,外表剛強嘅唐文龍,內心竟然係咁脆弱嘅。

兩位大隻佬,原來平時冇乜戒口,一樣照食;不過,呢一日唐文龍因為被有關緋聞嘅新聞困擾,搞到冇乜胃口,所以食少咗好多。

 

黃竣鋒離開嘅時候,捉住唐文龍隻手,叫佢睇開啲同保重身體。

 

早排,唐文龍就同細佢廿三歲嘅黃文意傳「父女戀」,可惜最終不歡而散。因為有指女方博上位造緋聞,但亦有傳係唐文龍放料。