為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 30 日

曾偉權熱情待遇

今年五十六歲嘅曾偉權,久唔久就會喺無綫嘅劇集裏面,見到佢嘅身影。雖則佢專責飾演「綠葉」嘅角色,但係從事幕前咁多年,觀眾對佢嘅印象都入晒腦。

好似早前東姑喺尖沙咀一個商場,就巧遇佢喺一間中餐館門口等位食飯;期間,就有唔少人認得佢,仲主動搵佢影相「集郵」,就連門口嘅女接待員,見到佢都忽然熱情,似「螞蟻嬲蜜糖」咁,一於唔執輸影埋一份。

忽然間,變得咁受歡迎,現場見曾偉權都好受寵若驚。縱使,佢嘅表情略為有啲尷尬,但係都好樂意答應大家嘅要求,逐個合晒照之後,先入餐廳醫自己嘅五臟廟。

曾偉權忽然受到巨星般嘅待遇,表情都有啲唔自然,仲要麻煩朋友幫忙揸相機。

 

就連餐廳女接待員都唔執輸,向曾偉權「集郵」,東姑見佢亦都好樂意,影埋先入去食嘢。