為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2018 年 03 月 27 日

關慧玲

《東周刊》社長兼總編輯。

李秀恒的男人浪漫

玩古董,除了要有財力玩得起,更重要是識得玩,香港經貿商會會長李秀恒是當中的佼佼者。咪睇他是生意人出身,就以為他用拍賣價決定是否值得競投,其實他對古董有一套鑽研心得,「衡量係咪買時,先會諗嗰件古董係咪博物館級數,我只會揀最頂級收藏。」好似他最鍾情的瓷器,專挑最罕有的官窯瓷器,「官窯係專門造瓷器畀皇帝,必然是集當時最頂尖技術和工藝炮製,有少少瑕疵皇帝都唔收貨,可想而知係佳中之佳作品。」

正正因為他不是單睇拍賣價,所以有時執到平貨,最得意一仗是以低價投得十五世紀明成化的仿哥窯小杯。他憶述,當時正出席一場香港一個大行拍賣會,突接到一位內地行家電話,指附近有另一場由日本公司主辦的小型拍賣會,包括其中一件明成化小杯(下圖),問他有沒有興趣?

該小杯屬於葵口杯,色澤玉潤,繁而不縟,看似是平平無奇,但挑通眼眉的李秀恒好識貨,「同類拍品之前要過千萬成交,但唔知該拍賣行係咪走漏眼,開咗個極低嘅底價。講你都唔信,兩萬蚊起拍!」李秀恒興奮地說。

不過,識貨者不獨他一人,但他志在必得,追價都要投得,最後以二百八十萬投得。「保存得咁完整嘅明成化杯,現今所知世上只有三個件,其中一件喺北京故宮博物館,另一件喺大英博物館,我的是第三件,o依家價值最少二千萬。」但哪怕價值再高,他也拒絕割愛,「這個小杯愈睇愈有味道,尤其當你厭咗其他花碌碌嘅瓷器後,再望住佢特別心境平靜。」講起呢次執漏,李會長認為除了幸運,關鍵仲係要有研究。

李秀恒收藏古董好嘴刁,不是靚貨不會出手,而且有鋪集齊全套的癮,他收藏的明代傢俱,涵蓋明朝客廳、臥室及書房使用的傢俱,「就好似啲人集郵咁,鎖定一個系列後,就想集齊一套。」

為了獲得心頭好,他可以與拍賣行討價還價幾年當閒事,「有時有啲嘢係你就係你,唔係嘅爭都無用,所以唔使心急,慢慢傾總會傾到一個大家都滿意嘅好價。」他享受鑽研古玩背後歷史,亦享受講價的成功感。

古董收藏從來不是炫耀身家財力的玩意,能在古物堆中執到寶,以及從古董中窺視歷史文化,大概這就是男人的浪漫。