為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 24 日

蕭正楠41歲驚喜賀牛一 粉絲:趁機會同翠如求婚啦!

蕭正楠(Edwin)憑着爆笑嘅喜劇細胞,近期多套劇集順風順水,可謂事業得意。噚日仲係Edwin嘅牛一,踏入41歲,經已同恩愛嘅女友黃翠如不斷傳出結婚嘅消息,不過始終未見影。係噚日生日會,成班圈中朋友送驚喜搞生日會,壽星公當然開心,不過都有粉絲留言話「趁機會同翠如求婚啦!」

成班好友一齊到場,袁偉豪、張寶兒、黃長興、林夏薇、黃浩然,當然唔少得女友黃翠如啦,成班人係又飲酒又有汽水,玩得真係幾開心,係片段到仲見到佢哋熄晒燈,拎個小小兵嘅蛋糕出嚟,Edwin當然開心,仲留言話「威咗!多謝大家,在心中!2018加油」。

威咗?到底威乜嚟呢?原來黃翠如係放咗張相,大叫蕭正楠做「My BOSS」,仲話「Happy Birthday n Happy Everyday #超模POSE#收工帶你去威#收工帶你去食雞蛋#收工帶你去食雞蛋仔」,又真係威威喎!

連粉絲都忍唔住留言話「趁機會同翠如求婚啦!」

 

成班好友同蕭正楠慶祝生日,認真開心。

 

黃翠如大叫蕭正楠做「My BOSS」!