為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 28 日

廖碧兒舊愛新西蘭求婚

一向感情備受外界關注嘅廖碧兒, 早前就畀人影到,同年約四十歲嘅闊少盧啟賢(Calvin Lo)同遊芬蘭,非常sweet!雖然Calvin結過婚兼有個女,但係有外形又有錢,點睇都係超級筍盤。難怪廖碧兒提起新戀情都特別甜絲絲,佢認愛之餘,仲同東姑透露佢哋係一年前透過慈善活動認識。

廖碧兒有新發展,咁佢嘅舊愛林忠豪又點呢?有指,喺七年前,廖碧兒為咗林忠豪狠飛咗拍拖六年嘅陳豪,搞到形象扣晒分;可惜,「林廖」最終分手。最近,林忠豪同樣有喜事,其實喺早前佢已經同東姑講求婚呢樣嘢,當時仲煞有介事:「差唔多啦,了解多啲先,想一擊即中o架嘛。(即係仲要幾耐?)再互相了解多啲先,因為o依家社會上有太多婚姻失敗嘅個案,我唔想自己成為一份子。」

據知,佢上月趁農曆新年同女友去新西蘭度假期間,就順便向拍拖五年嘅Susanna Yiu求婚。雖然Susanna樣靚身材正兼有家底,住大坑上林嘅豪宅,但就曾經離婚同有個仔。不過,林忠豪一啲都唔介意,佢仲曾經大讚女友好好,母親亦好鍾意,兩個sweet到非常肉麻!

有指廖碧兒嘅舊愛,個個都生活幸福美滿,咁佢都幾好腳頭喎!

 

林忠豪趁飛機未開,同女友Susanna喺商務客位兩份坐,恩愛又甜蜜。

 

呢幾年,林忠豪帶住女友周圍出席活動,以及朋友間嘅聚會,已經當正女友係老婆,只係欠一個名份啫。

 

林忠豪送上巨大鑽戒求婚,好有誠意。

 

廖碧兒嘅新歡盧啟賢主要做投資生意,屋企人擁有唔少物業,好似盧母就揸住兩個合共逾億嘅物業。