為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 24 日

鄭少秋出街有「台型」

七十一歲啲鄭少秋(秋官),時至今天依然風度翩翩、玉樹臨風,就算唔係出鏡,或者公開表演,私底下都一樣執到正,保持形象。

早前,東姑喺銅鑼灣就巧遇秋官,見佢打扮一絲不苟,頭戴黑色賊仔帽,身穿黑色皮褸、黑西褲、黑皮鞋,襯埋名牌LV嘅男裝公事包,行到好似上台行catwalk咁款,仲以為佢一定係去邊度蒲、去邊威?

誰不知,見佢原來拎住袋中藥,行返禮頓山嘅屋企,似乎係趕住返家同老婆交人,睇嚟就算出一出街一陣間,佢都要時刻保持自己「大俠」、「小生」嘅造型,認真貪靚!

年屆七十一歲嘅秋官,雖然已屬於耆英一族,但係佢行路嘅姿勢挺直,大俠一樣,依然玉樹臨風。

 

佢手上拎住一袋紅色膠袋(紅圈),似載有中藥,最後見佢返咗去禮頓山嘅寓所。