方中信煙癮難除
方中信向來煙癮大，之但係五十四歲嘅年紀，真係要好好保重身體，加上家有妻女；而個女迦晴得9歲咁細，吸煙危害自己健康之餘，仲要屋企人吸埋二手煙、三手煙，所以戒得到，梗係戒咗佢好啦！
早前，東姑喺太子道西嘅舊樓後巷，就遇到方中信拍緊網劇《PTU機動部隊》，佢着晒一身藍帽子戲服，一貫「港版李察基爾」咁型英帥。不過，中間休息位，見佢竟然呆呆滯滯企埋角落，疑似煙癮發作。後來，佢仲走埋工作人員度抓煙食，一班人圍埋煲煙吹水。
雖然見佢喺煙頭上仲加埋濾嘴，減少吸入有害物同焦油，之但係，幫助始終有限，既然明知係壞習慣，不如都係扚起心肝，撇脫啲戒甩佢喇！
未埋位前嘅空檔，方中信呆等到表情呆滯，似係煙癮發作。
方中信走埋去一班煲緊煙嘅工作人員身邊，做「伸手黨」問人攞咗支煙仔。
佢喺煙嘴上再加咗個濾嘴，然後好心急即刻點煙，大啖大啖扯。
