為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 專欄  > 老總手記 2018 年 03 月 20 日

關慧玲

《東周刊》社長兼總編輯。

羅鷹石的教仔哲學

全球經濟旺爆,香港貿易自然也能受惠。早前在貿發局的飯局上,主席羅康瑞(下圖)侃侃而談十多分鐘,介紹貿發局未來一年大計,話會聚焦一帶一路和大灣區的商機。四月份佢仲親自帶團到菲律賓訪問。去年他訪問泰國等東協成員國時獲得泰國元首高規格接待。今次去菲律賓,是看準當地近年經濟轉旺,同時與中國關係改善,唔知狂人總統杜特爾特會否也出來接待佢哋。

咪睇羅康瑞外表官仔骨骨,其實佢好捱得。原來同佢爸爸羅鷹石教仔方法有關。雖然含着銀匙出世,但羅康瑞話爸爸好嚴格,佢年輕時出國讀書,爸爸規定唔准搭飛機要坐船,「我係第一次出門,去澳洲要搭十幾日船,真係嘔足十幾日,企都企唔穩。」這是父親要佢體驗人生風浪的第一課。

在彼邦生活,學費和生活費都只是剛剛好,一旦年頭用多咗錢,年尾就要自己想辦法,「爸爸好嚴,唔夠膽同屋企伸手攞o架,去打工囉。」他笑說有一年貪玩先使未來錢,去到年中以後就日日驚心,驚下一餐無錢開飯,課餘乜嘢工都做,一直頂到爸爸畀下一筆生活費佢為止。

 

依家在外國留學的細路,一有長假就回港,一年往返香港四次都有,好似去旅行咁,但羅家仔女就唔得,「全間學校無晒人,我哋都要留喺當地,資訊無依家咁發達,真係有離鄉別井嘅感覺。」佢話那些年的留學歷練,令佢學識獨立,自己解決問題,對佢日後工作好有幫助。

講番佢今年大計,佢話全球都想開拓新市場,「一帶一路」和大灣區等發展將令更多行業受益,貿發局會協助初創企業、中小企業及年輕人擴闊網絡及累積營商經驗,以保持競爭力。

貿發局為鞏固香港做一帶一路商貿樞紐的角色,計劃在哈薩克、肯尼亞、沙特阿拉伯開設顧問辦事處,以及在智利、韓國、汶萊、緬甸等地成立香港商業協會,組織「一帶一路國際聯盟」,連繫本地、內地及國際企業。此外,貿發局六月二十八日將舉行第三屆「一帶一路高峰論壇」,擴大「一對一」商貿配對的規模,和舉辦海外考察團。

至於粵港澳大灣區方面,貿發局將組織科技代表團訪問大灣區城市,如深圳、惠州、珠海、佛山等,加強香港企業與內地同業的交流,並計劃與深圳合組訪問團前往瑞典斯德哥爾摩及以色列特拉維夫,以協助企業發掘投資及科技合作的機會。貿發局會於明年初在廣州舉辦「未來建設.建設未來」推廣活動,聚焦智慧城市科技及大灣區的可持續及綜合城市發展。

貿發局係探熱針,佢哋咁忙,證明香港經濟旺。