今時今日網絡主導係大勢所趨，想賺錢、谷人氣、揾贊助，做KOL（Key Opinion Leader、關鍵意見領袖）已成為潮流。

近年唔少名人都由幕前轉型做KOL，同網友開心share時裝、美容、收身同烹飪心得之餘，仲成功儲落一班followers。佢哋隨便發一段片，已隨時吸引十萬人次觀看，搖身一變成為網絡紅人！

樂基兒人妻愛下廚

持有瑜伽導師牌照、將推出首本烹飪書的樂基兒，一七年再婚後並沒有減少工作，反而搞搞新意思，開新公司做KOL。「我籌備緊喺網上搞直播做飲食節目，會自己拍片下廚，已經同啲外國頻道傾緊，仲會推廣瑜伽同健康。」

樂基兒最愛整沙律健康餐：「其實我下廚好多年，因為好年輕就做model，經常周圍去，又唔可以日日出街食飯，好多時都會自己煮，食得健康啲嘛！」

將推出首本烹飪書的樂基兒笑言：「因為籌備緊出一本烹飪書，所以成日都要煮好多嘢食，係咁食，

平均一星期做五至七次運動的她，愛於網上分享做瑜伽照片，更會挑戰高難度動作，漸漸儲下一班志同道合的粉絲。

何嘉莉親子keep fit操

前「英皇小花」何嘉莉無做歌手後，一四年加入Moiselle做創作總監，但自育有一子一女後，她想平衡家庭生活，又突然轉型，早前更簽約舊公司英皇做KOL，實行家庭、事業兩兼顧。

「我無打算再復出樂壇，做歌手都唔輪到我呢種年紀去做，今次同公司簽KOL約，係因為覺得好適合現階段嘅我。o依家細女五個月大，如果出去做嘢，個女就要交俾老公同媽咪照顧，但難免會心掛掛。做KOL就可以邊照顧小朋友，邊拍嘢，會同人分享keep fit、扮靚、親子同埋時裝心得。」

相隔十五年再簽英皇以KOL身份出發的何嘉莉，無意再重返樂壇。

產後身材依然fit爆的她，教網民一邊湊仔，一邊做肌耐力訓練收身，享受親子樂。