為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 03 月 08 日

陳山聰排隊冇特權

陳山聰係今年無綫《萬千星輝頒獎禮》嘅出爐「最佳男配角」,雖然有頭有面,但係冇話恃紅生驕。早前,東姑喺九龍城一間開業四十幾年嘅老字號麵包店巧遇佢,見佢都冇話「撻明星朶」,而享受特權「打尖」;反而乖乖跟大家齊齊排隊,等買出爐蛋撻,都算佢守秩序。

其實,呢間老舖賣嘅酥皮蛋撻街知巷聞,連發哥周潤發都係佢嘅粉絲,經常幫襯;皆因味道夠晒傳统,山聰都算識食喇!不過,食就話食「古早味」鍾意傳統風味,但山聰衣着打扮,就一向走喺潮流嘅尖端。現場所見,佢腳上就着住近期大熱嘅「Dad shoes」,呢對Balenciaga Triple S波鞋,就連韓國嘅G-Dragon同香港嘅Wyman、吳君如都捧場着,標價約六千蚊,可見山聰的確係識貨之人。

山聰一身潮人嘅打扮,同大家齊齊排隊,等買老字號嘅出爐蛋撻。

 

 

 

好守規矩跟住條人龍排隊嘅山聰,畀東姑一眼

 

呢間開業四十年嘅麵包店,出產嘅酥皮蛋撻街知巷聞,連發哥都係佢嘅粉絲。