為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 02 月 24 日

白韻琴「血拼」大耍花槍

謝偉俊(Paul)同白韻琴(白姐姐)結婚二十年,雖然有時似「水溝油」,夫妻貌合神離,有時又似「糖黐豆」表現恩愛, 但係阿Paul對白姐姐,始終係不離不棄。

日前,東姑喺中環ifc巧遇佢哋夫妻,恩愛拍拖行街買衫。一早已到時裝店等白姐姐嘅阿Paul,一見愛妻到來會合,仲笑到見牙唔見眼,第一時間飛撲埋去白姐姐身邊,好肉緊咁搣咗老婆嘅面珠一下。兩個人跟住喺一間大減價嘅舖頭「血拼」,白姐姐錫住老公,先陪阿Paul揀男裝。東姑見白姐姐瘦到塊面凹晒、「寒」起背行路有啲「論盡」;即使略現老態,但佢幫老公揀衫褲鞋襪時,就全程盡心盡力,仲不時踎低起身幫阿Paul揀鞋添。

而阿Paul都好錫白姐姐,後來陪番老婆揀女裝,仲陪白姐姐試褸、試帽,喺隔籬幫眼畀意見,真係體貼。現場所見,Paul時不時都會搣下白姐姐嘅面珠,當眾o氹下老婆開心,耍下花槍咁。買完嘢,佢哋又十指緊扣拖住手過對面戲院睇戲,真係放閃到東姑眼都盲!

「血拼「期間,阿Paul不時會搣下白姐姐嘅面珠,大耍花槍,似係老婆愈老愈可愛。

 

白姐姐錫住老公,先陪阿Paul睇男裝,見佢仲辛苦踎低,幫老公揀鞋添。

 

 

 

老婆試褸喺鏡前左照右照,阿Pau即時趨前幫下眼,又會畀意見。

 

夫妻結果買咗一大袋減價貨,然後十指緊扣離開,再行過對面戲院睇戲。

 

七十三歲嘅白姐姐,仲揀咗頂白色cap帽,心態同品味,仲係好青春。