為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 02 月 23 日

羅霖一身「皮」氣

羅霖年前失婚,正式脫離闊太嘅行列,但貴氣呢家嘢,好似天生嘅氣質一樣,黐住佢甩都甩唔到。早前,東姑喺銅鑼灣一個高檔商場,又見佢一如闊太咁,下午時份出動「血拼」一番。

當日,雖然佢便服裝束又着晒牛仔褲咁,但係望真啲,皮褸、皮靴加埋皮手袋,仍然感覺一身貴氣。而佢孭住嘅名牌Chanel shopping bag,叫做「粗粗哋」用,都要成兩萬七千蚊。

另外,羅霖仲抽住個年輕人潮牌嘅大紙袋,走出商場,估計係買名牌子嘢送畀幾個囝囝,令東姑羨慕佢周身貴氣之餘,不期然更加羨慕佢「財來自有方」。

全身黑皮褸、黑皮靴嘅羅霖,加埋個二萬七千蚊嘅黑色Chanel shopping bag,型爆!

 

羅霖周身闊太嘅貴氣,喺銅鑼灣一個名店雲集嘅商場,「血拼」之後,等司機駕駛七人車嚟接載佢離開。