為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 02 月 22 日

張敬軒拉隊懷舊冰室「偷師」

張敬軒(軒仔)不嬲出名多才多藝,除咗搞音樂做創作歌手外,之前仲開設錄音室,親自監督裝修,打造成歐式懷舊嘅火車廂。最近,佢更加踩過界,投資過百萬喺灣仔開法國餐廳,聽聞設計靈感來自六十年代、香港人氣旋轉餐廳「仙后」,所以連餐廳名都改埋一樣,擺明sell懷舊。

向來鍾意懷緬過去嘅軒仔,早前,東姑又喺九龍塘一間老字號嘅「冰室」見到佢。嗰日,佢拉大隊帶埋一班工作人員,去到冰室開餐,相信亦會趁機參考下人哋復古嘅裝修及擺設,同埋嘢食出品。其實,最重要係「原汁原味」,先可以食番回憶中嘅味道。

聽聞,軒仔呢位老闆好勤力,親自監督整個餐廳project,除督工室內裝修設計部分外,就連請乜樂手表演,請邊個法國廚師坐陣,構思菜式餐單,佢都親力親為。再加埋佢四圍去「偷師」,真係飲食業初哥都變大師喇!

軒仔拉大隊帶埋兩個女同事,去九龍塘一間懷舊冰室幫襯。

 

呢間老字號冰室,都係早喺六、七十年代開業,裏面嘅裝修、擺設,當然係復古懷舊風。

 

坐低食晏嘅軒仔,好似試菜咁,食到津津有味,又邊食邊跟同事討論。

 

過緊馬路都畀粉絲截停「集郵」嘅軒仔,好親民咁停低同擁躉合照。

 

餐廳開張大日子,獲英皇老闆楊受成,同埋一眾同公司的歌手及藝人捧場。

 

軒仔投資過百萬,喺灣仔開懷舊主題嘅法國餐廳,好多嘢都親力親為。