為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 02 月 10 日

朱晨麗慳家請喫「麥」包

早前,朱晨麗(朱朱)喺無綫嘅《萬千星輝頒獎禮》憑劇集《超時空男臣》攞到「最佳女配角」獎,賽後一片爭議聲,唔少網民評佢演技未夠班,未有資格攞呢個獎。

不過,結果已經塵埃落定,獎就袋咗落袋,朱朱早前出席新劇《平安谷之詭谷傳奇》宣傳時,心情大靚,見佢同大班公司台前幕後嘅同事,一齊坐crew車走,半路中途仲由佢拉大隊,走入將軍澳區一間「麥記」快餐店開餐。

東姑所見,朱朱熱情叫人隨便叫嘢食,似係「萬歲」由佢請客。而同行仲有喺無綫人稱「老師」嘅資深演員劉江,一齊食佢呢餐慶功宴,相信係「借包」孝敬劉老師,多謝對方平時教佢演技,袋咗唔少嘢落佢袋喇!不過,一餐「麥記」就嫌太慳皮咗啲!

一行人坐喺「麥記」有講有笑,期間見到快餐店幾個職員,仲排住隊上前,搵呢位出爐「最佳女配角」影相合照,睇嚟佢人氣相當高企,攞獎亦有佢嘅原因嘅!

宣傳活動之後,由朱朱拉大隊,同公司幾個台前幕後,去將軍澳一間「麥記」開餐。

 

快餐店職員排住隊同佢「集郵」,朱朱冇乜架子任影唔嬲。

 

呢餐由朱朱「萬歲」請客,佢企喺收銀枱前,叫人隨便叫嘢食。

 

同行仲有無綫嘅「綠葉王」、人稱「劉老師」嘅劉江,相信都曾經指教過下朱朱嘅演技。

 

朱朱好似當正呢餐係慶功宴,慶祝佢爆冷攞「最佳女配角」獎;不過,請食「麥記」就略嫌慳皮啲!

 

朱朱憑劇集《超時空男臣》攞到「最佳女配角」獎,仲要由緋聞男友何廣沛頒獎,難怪激動到熱淚盈眶。