為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 01 月 22 日

格鬥冇難度 伍允龍反畀細路恰

自前年參演無綫劇《城寨風雲》後,伍允龍的入屋度大增,近月再拍攝新劇《兄弟》。向來有好身手的他,打戲冇難度,不時有晒肌和動作戲,即使格鬥打到成臉血也過足癮。

不過,坊間有云拍戲最難應付的是細路和動物。日前,伍允龍在北角拍外景,飾演保鑣的他慘畀小主人連番糟躓,被恰到上臉都要忍氣吞聲硬食。對演出拳腳或細路戲,他明顯在前者上的發揮更淋漓盡致。

伍允龍早前跟王浩信打擂台,赤裸上身的他大晒結實胸肌,有姿勢有實際。

 

打到甩骹

自小習武的伍允龍,曾自言「打係我嘅selling point(賣點)」,繼在無綫劇《城寨風雲》打出名氣後,在新劇《兄弟》中同樣打到七彩。早前的一場打擂台戲,赤裸上身的伍允龍,大晒一身結實爆肌,對手王浩信未打便已自嘲是「奀仔」:「我都係得六嚿腹肌,但佢有廿幾塊,我睇到佢真係有。」事後,伍允龍打到右邊膊頭脫骹,但也堅持完成拍攝;至翌日也緊接跟朱晨麗拍攝撞車戲,相當捱得。

當日,好身手的伍允龍,動作同樣靈活,英雄救美朱晨麗後,仍可一個翻身跳上車頭蓋,再彈跳落地揸槍跟壞人對峙,未見受甩骹影響。他說︰「係舊患嚟,可能打嘅角度唔啱,搞到甩骹。開始拍之前都甩甩哋,之後叫武師啪番入去,但愈打愈腫,唔想補拍,咪忍痛照拍咯。小事嚟唧!」

雖然伍允龍打得,但對住個細路竟然毫無招架能力,更慘被細路當垃圾桶,成包薯片攝落他的衫內,相當失威。

 

一拍完,伍允龍即作狀打小演員,私下二人有講有笑。