為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 01 月 18 日

王浩信被江嘉敏熱情融化

三十四歲嘅「人父」王浩信,同廿二歲嘅「宅男女神」江嘉敏,喺無綫新劇《兄弟》裏面,發展感情線,兩人年紀相差一大截,話就話唔怕有代溝。不過,王浩信係容易招惹緋聞嘅男人,唔怪得佢同女對手都係保持距離。

日前,東姑喺將軍澳海旁,就巧遇佢兩個喺度拍外景,嗰日冷鋒殺到,氣溫得十一、二度,朝早開工仲要喺海邊,寒風凜凜,凍到王浩信都無厘精神,一臉頹喪。

至於,後生女江嘉敏則活力充沛,見佢猛撩「大叔」王浩信傾偈講笑。加上,着住條短裙仔嘅佢,仲好似唔怕凍咁,一雙靚腿扭下擰下,嬌俏可人,似係畀佢成功撻番着男方「副偈」,將原本對異性避忌嘅王浩信,冰山也融化。好彩有佢熱情主動,不斷「暖場」,令現場嘅拍攝氣氛和暖唔少。

王浩信同江嘉敏做對手戲,似乎刻意保持距離,甚少交流,氣氛比較僵硬。

 

江嘉敏對住前輩王浩信,初時表現得戰戰兢兢。

 

着住短裙嘅江嘉敏,一對玉腿又白又滑,青春無敵。

 

海邊嘅氣溫更低,江嘉敏未埋位前,大髀都要披住羽絨褸保暖。

 

個性熱情活潑嘅江嘉敏,後來豁出去,主動撩王浩信吹水,男方也笑住回應。

 

喺劇中,王浩信飾演網絡教主,而江嘉敏係佢嘅保鑣,全程護駕男方嘅出入。

 

佢哋早前隨劇組去英國拍外景,王浩信在歎咖啡期間,身後嘅江嘉敏即鬼馬地攝入鏡頭。