為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 名人薈  > 名人熱話 2018 年 01 月 10 日

靴世代

係女人都想擁有一雙修長美腿,今年終於唔再係高妹專利,時裝界今季再度興起過膝長靴,唔使靠P圖,齋玩視覺效果,就連嬌小身形一樣可以享受呢個福利。女星們當然一早入晒手,齊齊做長腿美女!

 

蔡卓妍環保潮人

阿Sa一向係時尚型人,仲有先見之明,腳踏呢對LV長靴,已經係佢九年前買落嘅款式,但攞返出嚟着,一樣唔失禮。「其實好多衫褲鞋襪我都會着好多年!一來大部分都仲好新淨、二來環保、三來潮流呢家嘢係一個循環,呢頭過時,但過一排又會興番!」

 

 

徐濠縈潮着舊鞋

屋企嘅衫褲鞋襪多到可以開間博物館嘅阿徐,都唔係貪新忘舊嘅人,趁時下興番過膝長靴,即時攞番對Petar Petrov款式漆皮長靴出嚟襯裙,完全無違和感,就連品牌負責人都喺IG留言表示驚訝佢着舊鞋。只要着喺阿徐身上,幾舊嘅款式都變番潮流!

 

 

潮着舊鞋辣媽最愛

加入辣媽行列嘅Yumiko,着起過膝長靴當然完全駕馭到,易襯又時尚,難怪要keep住密密着,出席活動又着,私下湊女都着,咁靚,着多幾次都唔會厭!