為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2018 年 01 月 05 日

黃浩然綠帽唔怕戴

黃浩然同佢幾個好兄弟,包括:黎耀祥、蕭正楠、曹永廉,一齊拍攝嘅旅遊節目《公公出埠》啱啱播完,咁啱東姑就喺銅鑼灣,遇到呢位「公公」。不過,只有佢一個人行街,全身運動look,好sporty。

雖然,佢黑衫黑褲,但一眼望埋去,相當搶眼。皆因佢頂cap帽青BB螢光綠色,襯埋腳上青BB嘅Yeezy-350波鞋,好自然都會望多兩眼。只不過,男人嚟講戴綠帽,一向比較棹忌,青綠色更加唔係人人襯得起,難得黃浩然一於少理,仲襯埋潮鞋顏色,認真係趕喺潮流嘅尖端!

黃浩然頂帽襯埋對鞋嘅顏色,青BB確係搶眼,而呢對Yeezy仲係潮人瘋搶嘅波鞋,炒價要成五、六千蚊。

 

佢戴住頂螢光錄嘅帽,都好難見佢唔到,難得佢唔棹忌,又着得起。

 

早前,黃浩然(右)喺旅遊節目《公公出埠》中,同一班兄弟,大晒fit爆嘅body。