為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 12 月 30 日

蘇志威過百萬玩具

人稱「蘇老闆」嘅蘇志威,投資有道,唔單止繼續活躍於娛樂圈,佢仲好積極搞生意,包括開設跳舞學校同埋禮服店,仲搞得都相當有聲有色,難怪佢豬籠入水。

搵得錢當然要好好獎勵自己,閒時佢都有玩下名車辣跑咁,好似東姑早前喺九龍城,就見到蘇老闆將佢架掛住「JUMP」車牌,過百萬嘅黃色保時捷跑車泊喺街上嘅咪表位。不過,見佢貴人事忙,一路行趕去入表,一路仲揸住個平板電腦,喺度係咁篤,唔知度緊咩生意大計,秒秒鐘真係幾百萬上落咁款。好彩佢識work hard play hard,唔會一味辛苦做嘢,仲識玩下車嚟放鬆下。

見佢行到去咪表位,終於肯放低手上嘅平板電腦,一陣咁多啦。

 

蘇老闆邊行邊等過馬路,仲揸住個平板電腦不停「篤」,好似計緊數、忙緊大生意。

 

蘇老闆呢架車掛住「Jump」嘅車牌,唔知有乜特別意思?不過車價不菲,車價約一百三十萬。