為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 娛樂追擊 2017 年 12 月 08 日

黃百鳴同個仔爭寵

黃百鳴嘅兒子黃子桓(Edmond),數年前迎娶吳千語嘅經理人Carmen,去年兒媳仲幫百鳴哥生咗個孫女Charlotte,畀佢「升呢」做阿爺。

早前,喺電影嘅慶功宴上,東姑見佢哋兩仔爺同場出現,難得仲湊埋一歲零三個月大嘅Charlotte到場湊下熱鬧。而阿爺一見到孫女,個樣即刻冧到暈,搶住上前抱抱,個身仲猛「un」做Charlotte嘅人肉搖籃,就連在場有乜明星、大導演都懶得應酬,簡直錫粒孫錫到燶。

只見阿仔Edmond企喺隔籬(目及)到實,個樣就好似「前世情人」畀老竇百鳴哥搶走咗咁款。東姑睇見佢兩仔爺為一個BB女爭寵,場面都幾搞笑!

百鳴哥一見到粒孫女,即刻飛撲上前爭住抱,個樣仲勁冧!而Edmond(圓圖)就一直企喺隔籬監視住,感覺似係畀老竇搶走佢嘅「前世情人」咁款。

 

現年七十一歲嘅百鳴哥,錫粒孫錫到燶,仲猛「un」猛「fing」,做孫女嘅人肉搖籃。