為提供更方便的一站式服務與讀者,星島雜誌集團旗下的東周網、東TOUCH、PCM電腦廣場、CAZ Buyer車買家、JET及Spiral游絲腕表網站將歸納為My-Magazine網站,只需完成以下簡單登記程序,即可以一個電郵地址,享用以上各網站提供的各種會員服務及源源不絕的會員優惠!
submit
submit
主頁  > 娛樂放題  > 留星語 2017 年 11 月 29 日

今天的角色,叫張晉

早已聽說過,張晉是個很內斂和慢熱的人。

訪問這天,首次見面,沒有熱情握手打招呼,來博取先入為主的好感;也沒有擺甚麼高高在上的架子,讓你覺得生人勿近;只是不苟言笑,對一切的反應都顯得頗淡然。

直至談到新片《狂獸》中的「西狗」一角,他竟冷不防主動說笑,打破本來有點嚴肅的氛圍。「『西狗』呢個人好激,做佢好辛苦!淨係佢個名,都已經好辛苦啦!哈哈哈!」說罷,四周傳來了笑聲,不難知道,他此時已開始放輕鬆了。

再說到太太蔡少芬,他的表情很自然地多了一絲絲的溫柔。「佢好支持我,呢個係當然嘅。」談到兩個女兒時,他的雙眼更見閃閃發亮,情不自禁展露了又甜又冧的笑容。「o依家佢哋對我愈嚟愈嗲。」

他說,他是個很需要時間進入角色的演員。

「我做任何角色,事前都需要啲時間去安靜,所以我通常去到拍戲現場,都唔係好鍾意講笑,我個心好需要適應期。就算嗌咗『cut』,我都唔會即刻變咗第二個人。」
所以,如果張晉是一個角色,要做的內心戲,一定會比動作戲多很多很多,而且,最適合放進溫馨小品的電影裏。

 

 

西狗的狀態

張晉坦言,演繹《狂獸》裏這個「西狗」角色很辛苦,一來是這角色跟自己本來性格完全相反。「『西狗』做嘅每一樣嘢,都唔係我張晉會做嘅。拍嗰段時間,我一路都保持住佢呢個『西狗的狀態』,又要諗多啲元素擺喺呢個人度,思想上係比較攰。」

二來、戲中有大量的水底和水面戲,他和余文樂等演員,要在無錫一個座擁十米深、千五平方米大水池的攝影廠拍足五十日,既要潛水閉氣打鬥,又要在十號風球中的漁船上對決。「我要特登去學潛水,我唔係好鍾意嗰種感覺,又唔知自己做唔做到,搞到我嗰段時間有壓力到瞓唔到覺,但都要頂硬上。嗰場船上面打交戲,拍嗰陣得(攝氏)十二度,全身濕晒,啲衫黐住十幾個鐘,每拍完一個鏡頭,攰到連講嘢都冇力!好彩出嚟嘅效果好震撼!」

最有苦自己知的是,他在拍這些水底、水面戲時,腳上正有含膿的傷口。「之前拍魚市場嘅戲,地下跣,我唔係跌落地,就係撞親,隻腳損晒,跟住仲要浸水,啲傷口就咁發炎、含晒膿,我要食五種抗生素嚟頂住;收咗工、我只可以單手單腳沖涼,自己攞消毒藥水淋嗰四、五個窿窿。」

於《狂獸》中,跟余文樂在十號風球的船上打鬥,他坦言拍得相當辛苦。「拍嗰陣好凍!全身濕晒,啲衫一黐就十幾個鐘,攰到連嗌辛苦都冇力!」

 

張晉不愛管理私務,一切全靠老婆大人蔡少芬。「我試過唔見咗銀包一個禮拜,我一直以為喺老婆個袋度,最後喺抽屜(櫃桶)度搵番,哈哈!」